आदर्श सञ्चार, दोहा कतार
बक्र इद (इद–उल–अज्हा) को अवसरमा कतारमा आयोजना गरिएको ‘अन्तर नेपाली समुदाय खुला पुरुष भलिबल प्रतियोगिता’को उपाधि पर्वत समाज कतारले जितेको छ । रोयल नेपाल यूथ एसोसिएसन ठकुरी ग्रुप कतारको आयोजना र गैरआवासीय नेपाली संघ,राष्ट्रिय समन्वय परिषद कतारको खेलकुद बिभागको समन्वयमा सम्पन्न प्रतियोगितामा आयोजक रोयल नेपाल युथलाई पराजित गर्दै पर्वत समाज कतारले उपाधि जितेको हो ।
योसँगै कतारमा आयोजना भएका दुई ठुला भलिवल प्रतियोगिताको उपाधि पवर्त समाज कतारले आफ्नो भागमा पारेको छ । २८ टिमको सहभागीता रहेको प्रतियोगितामा स्याङ्जा सहयोग समाज कतार तीतृय र कर्णाली प्रदेश समन्वय परिषद कतार सान्तवना भएका छन् । विजेताको उपाधी उचालेको पर्वत समाज कतारले करिब पौने २ लाख नेपाली रुपैयाँ (५ हजार कतारी रियाल) प्राप्त गरेको छ । तेसैगरी द्वितीय भएको आयोजक रोयल नेपाल यूथले ३ हजार रियल, तृतीय भएको स्याङ्जा सहयोग समाजले १५ सय रियल र सान्तवना भएको कर्णाली प्रदेश समन्वय परिषद कतारले ५ सय रियल सहित ट्रफि र प्रमाणपत्र प्राप्त गरेका छन् ।
प्रतियोगिताका विजयी टिमलाई गैरआवासीय नेपाली संघ राष्ट्रिय समन्वय परिषद कतारका अध्यक्ष रमेश भट्ट र नेपाल भलिवल संघका केन्द्रिय सदस्य आँचल सिंह ठकुरीले नगद सहित ट्रफि र प्रमाणपत्र प्रदान गर्नु भएको थियो । प्रमुख अतिथि गैरआवासीय नेपाली संघ राष्ट्रिय समन्वय परिषद कतारका अध्यक्ष रमेश भट्टले अनाथ बालबालिकाको सहयोगका लागि आयोजना गरिएको भलिवल प्रतियोगिताले परदेशमा रहेका नेपालीको शिर सधै उचो रहने बताउनु भएको थियो । उहाँले समाजिक र रचनात्मक कार्यक्रमा गैरआवासीय नेपाली संघ राष्ट्रिय समन्वय परिषद कतारले सधै सहयोग गर्ने बताउनु भयो ।
पवित्र समाज नेपालमा आश्रय लिएर बसेका अनाथ बालबालिकालाई सहयोग गर्ने उद्देश्यले भलिवल प्रतियोगिताको आयोजना गरिएको रोयल नेपाल यूथ एसोसिएसन ठकुरी ग्रुप कतारका अध्यक्ष केशु मल्ल ठकुरीले जानकारी दिनुभयो ।
स्याङ्जा सहयोग समाजबाट सहभागी भएका गण्डकी प्रदेशका क्याप्टेन सन्जु विक्रम शाह प्रतियोगिताको उत्कृष्ट खेलाडी बनेका छन् । त्यसैगरी आयेजकका टिमका आशिष श्रेष्ठ उत्कृष्ट इस्पाइकर, महेन्द्र चौधरी उत्कृष्ट बलक्कर र पर्वत समाज कतारका अस्मित मल्ल उत्कृष्ट लिब्रो भएका छन् ।