आदर्श अनलाइन, बागलुङ
पवर्तको मोदी गाउँपालिकाले युवाहरुमा सीप विकास गर्दै व्यवसायीक बनाउँनका लागि मिनिटेलर मर्मत तथा हेयरकटिङ तालीम सुरु गरेको छ ।
तालिममा मोदी गाउँपालिकाका उपाध्यक्ष विमल लामिछानेले गाउँपालिकाले युवालाई सीप सिकाएर जीविकोपार्जनमा सहजता ल्याउँनका लागि सीप तथा क्षमता विकास तालीमको आयोजना गरिएको बताउनु भयो ।
तालीममा सिकेको सीपले गाउँपालिकाका युवाहरुको विदेश पलायन रोक्न मद्दत पुग्ने विश्वास व्यक्त गर्नु भयो । उपाध्यक्ष लामिछानेले तालिमको मुख्य उद्देश्य सीप सिकेर गाउँ घरमै स्वरोजार सिर्जना गर्नु भएको भएपनि, सीप क्षमता र दक्षता भएका युवाहरु बाध्यताले विदेशिनै परेपनि सहज हुने बताउनु भयो । तालिम पश्चात व्यवासाय गर्ने युवा युवतीहरुलाई गाउँपालिकाले सहयोग गर्ने बताउनु भयो ।
मोदी गाउँपालिकाका प्रमुख प्रशासकीय अधिकृत राम प्रसाद शर्मालेसीप विकास तालिम अन्तर्गत मिनिटेलर मर्मतको तालिममा ३४ जना र हेयर कटिङ तालिममा १४ जनाको सहभागिता रहेको बताउनु भयो ।
मोदी गाउँपालिका–२ पातिचौरमा सञ्चालित मिनिटेलरको मर्मत सम्बन्धी तालिम १५ दिन र मोदी गाउँपालिका–५ पातिचौरमा सञ्चालित हेयर कटिङ सम्बन्धी तालिम १ महिनासम्म सञ्चालन हुने प्रशासकीय अधिकृत शर्माले जानकारी दिनुभयो ।