अमृत बास्कुने, म्याग्दी
बेनी नगरपालिका–३ भकिम्लिका लालबहादुर पुनको २०७४ सालमा युकेको भिजा लागेको थियो ।
ठेयाक्कै तेही समयमा काभ्रे पुगेका लालबहादुरको आँखा काभ्रे भञ्ज्याङका डा.सुर्य पाण्डेको किबि फर्ममा पर्याे । लटरम्म फलेका किबी देखेपछि लालबहादुरको मन युकेबाट मोडियो, किबीमा पर्याे ।
बेलायत जाने प्रवेशाज्ञा समेत आइसकेका लालबहादुर किबीका विरुवा लिएर जिल्ला फर्कनु भयो । अहिले लालबहादुरलाई तिनै किबीका विरुवाले म्याग्दी जिल्लाकै किबीका मुख्य व्यवसायीक कृषकको रुपमा परिचत गराएको छ ।
यस वर्ष लालबहादुरले ९ क्विन्टल किबी विक्री गर्नुभएको छ । श्रीमती र छोरा छोरीले पनि लालबहादुरलाई किबी खेतीमा सघाउँदै आएका छन् । परिवारसँग मिलेर का मगर्न पाउँनु सबैभन्दा खुसीको कुरा भएको उहाँको भनाई छ । गत वर्ष ८ क्विन्टल किबी विक्रि गरेका लालबहादुर आम्दानीबाट सन्तुष्ट हुनुहुन्छ ।
भकिम्लि क्षेत्रमा किबिको राम्रो उत्पादन हुन्छ भन्ने थाहा पाए पछि किबी लगाउने सोँच बनाएको थिए, तेही बेला युकेको भिसा लाग्यो, दोधारमा परे, निकै सोचे र विदेश छोडेर स्वदेश रोजेको हुँ, लालबहादुर भन्नुहुन्छ अहिलेसम्म पछुताउनु परेको छैन ।
लालबहादुर जस्ता पौरखीकै कारण गाउँ ठाउँमा बाझो जग्गा हराभरा भएको बेनी नगरपालिका–३ का वडा अध्यक्ष पदमबहादुर पुनको भनाई छ । गाउँ घरमा मेहनत गरेर आम्दानी मात्र होइन् गाउँको पहिचान समेत बनाएका लालबहादुर जस्ता युवा समाजका लागि उदाहारणीय छन् वडा अध्यक्ष पुनले भन्नुभयो ।
लालबहादुरको किबी फर्ममा अहिले २ सय ५० वटा बोट रहेका छन् । हालसम्म किबीको विरुवा तथा टेका, तार लगाउँदा र फर्म व्यवस्थापनमा लागि निर्माण गरिएका संरचनामा लालबहादुरको १२ लाख रुपैयाँ खर्च भएको छ ।
पछिल्लो २ वर्षमा किबी विक्री गरेर लालबहादुरले ५ लाख रुपैयाँ आम्दानी गर्नु भएको छ । अहिले उत्पादन दिन सुरु गरेका बोटले वर्षाैसम्म उत्पादन दिने उहाँको भनाई छ ।
लालबहादुरको फर्मममा रोपेका विरुवाले २ वर्षमै उत्पादन दिन सुरु गरेका छन् । पछिल्लो २ वर्षमा १७ क्विन्टल किबी विक्री गरेको उहाँको भनाई छ । एउटा बोट १ क्विन्टलसम्म किबी फलेको उहाँको भनाई छ । किबीको व्यवस्थीत खेती, रोग किराको उपचारका वारेमा शीतोष्ण वागवानी विकास केन्द्रसँग समन्वय गरेर अगाडी बढ्ने गरेको उहाँको भनाई छ ।
पटक पटक शीतोष्ण वागवानी विकास केन्द्र मार्फा नै पुगेर तालीम र जानकारी लिने गरेको केन्द्रका प्रमुख पद्मनाथ आत्रेयको भनाई छ । लालबहादुरले ग्रेडीङ गरेर ग्रेड अनुसार एक सय ५० देखि तीन सय रुपैयाँ प्रतिकिलो किबी बेचेको बताउनु हुन्छ ।
‘सानालाई १ सय ५० मा पनि बेचियो भने कतिपय सुरुको समयमा तीन सय रुपैयाँसम्म पनि बेचेको छु, लालबहादुरले भन्नुभयो, तर सरदर हिसाब गर्ने हो भने दुई सय रुपैयाँ प्रतिकेजी हो ।’