आदर्श अनलाइन, बागलुङ
नेपाली कांग्रेस परित्याग गरी एमाले प्रवेश गरेका बागलुङका नवराज पौडेल एमाले केन्द्रीय सल्लाहकार परिषदको सदस्य मनोनित हुनु भएको छ ।
नेकपा एमालेको बिहीवार सम्पन्न सचिवालय वैठकले पौडेललाई सल्लाहकार परिषद सदस्यमा मनोनित गरेको एमाले उपमहासचिव तथा प्रचार विभाग प्रमुख पृथ्वीसुव्वा गुरुङले जानकारी दिनुभयो ।
गत स्थानीय तह निर्वाचनपछि कांग्रेस छोडेका पौडेल गत असारमा एमाले अध्यक्ष केपी ओलीको निवासमा आयोजित कार्यक्रममा एमाले प्रवेश गर्नु भएको थियो ।
नेपाली कांग्रेसका पूर्व जिल्ला सचिव समेत रहनु भएका पौडेललाई एमाले केन्द्रीय सदस्य सरहको सल्लाहकार परिषद सदस्य मनोनयन गरिएको हो ।
सचिवालय वैठकले विभिन्न पार्टीबाट एमाले प्रवेश गरेका ४ जनालाई केन्द्रीय सदस्य मनोनित गरेको छ ।
जीवन गौतम, धर्मदत्त देवकोटा, बृजेश गुप्ता र अमृत राजवंशीलाई केन्द्रीय सदस्य मनोनयन गरेको हो ।